सम्माननीय उपराष्ट्रपति नन्दबहादुर पुन 'पासाङ्ग'ज्यूबाट नेपाल संवत् नव वर्ष ११४२ को अवसरमा दिनुभएको

शुभकामना सन्देश

आजबाट नेपालको मौलिक संवत् नेपाल संवत् ११४१ विदा भइ ११४२ शुभारम्भ भएको छ । नेपाल संवत् ११४२ को पावन अवसरमा देश तथा विदेशमा रहनुभएका सम्पूर्ण नेपाली दिदीबहिनी तथा दाजुभाइहरुमा हार्दिक मंगलमय शुभकामना व्यक्त गर्दछु ।

प्रगतिशील सामाजिक अभियान्ता तथा नेपालका राष्ट्रिय विभूति शंखधर साख्वाले आफ्नो व्यक्तिगत सम्पत्तिबाट गरिब किसान जनतालाई ऋण मुक्त गरी सुरु गर्नुभएको नेपाल संवत् नेपालको मौलिक राष्ट्रिय संवत् हो । यस अवसरमा नेपाल संवत्का प्रवर्तक, राष्ट्रिय विभूति शंखधर साख्वाले प्रगतिशील सामाजिक रुपान्तरणमा पुर्‍याउनु भएको योगदानप्रति उच्च सम्मान व्यक्त उहाँप्रति भावपूर्ण श्रद्धाञ्जली अर्पण गर्दछु ।

हाम्रो मौलिक राष्ट्रिय संवत् भए तापनि नेपाल संवत् व्यावहारिक प्रयोगमा आउन सकिरहेको छैन । हाम्रो आफ्नो मौलिकता र पहिचानका लागि नेपाल संवत्लाई प्रवर्द्धन गर्न र व्यावहारिक प्रयोगमा ल्याउन आवश्यक छ । नेपाल संवत् ११४२ ले यो संवत्को प्रवद्र्धन र व्यावहारिक प्रयोगका लागि सबैलाई प्रेरणा दिने विश्वास लिएको छु । 

नेपाल संवत् ११४२ को हार्दिक शुभकामना ।

धन्यवाद ।

१९ कात्तिक २०७८