सम्माननीय उपराष्ट्रपति नन्दबहादुर पुन 'पासाङ्ग'ज्यूबाट राष्ट्रिय विभूति, समाज सुधारक फाल्गुनन्द लिङ्देनको जन्मजयन्तीको अवसरमा दिनुभएको

शुभकामना सन्देश

राष्ट्रिय विभूति, समाज सुधारक फाल्गुनन्द लिङ्देनको जन्मजयन्तीको अवसरमा सम्पूर्ण किराँत धर्मावलम्बी समुदायका दिदीबहिनी तथा दाजुभाइहरुमा हार्दिक शुभकामना व्यक्त गर्दछु ।

प्रगतिशील सामाजिक अभियान्ता फाल्गुनन्दले चाल्नुभएका कदम र दिनुभएका उपदेशहरु आजका दिनमा व्यवाहारिक हुँदै आएका छन् । छोरा समान छोरीलाई शिक्षा र अंश दिनुपर्ने, आत्मनिर्भर बन्न स्वदेशी उत्पादनको वस्तु प्रयोग गर्नुपर्ने जस्ता धारणा ल्याएर समाज सुधारमा योगदान गर्नुभएका राष्ट्रिय विभूति फाल्गुनन्दले नेपाली समाज रुपान्तरणमा उच्च योगदान दिनुभएको छ । किराँत धर्मावलम्बीका प्रवर्तक मध्येका एक फाल्गुनन्दलाई आज संसारभर रहनुभएका किराँत समुदाय र आम नेपालीले सम्मानका साथ स्मरण गरिरहेका छन् ।

किराँत समुदायको भाषा, धर्म, संस्कार, संस्कृतिको संरक्षण गर्दै जनचेतना फैलाउनुभएका फाल्गुनन्दले देखाउनुभएका सत्मार्गमा लाग्दा देश र जनता सबैको अझै उत्थान हुने मैले विश्वास लिएको छु । 

फाल्गुनन्द जयन्तीको शुभकामना ।

धन्यवाद ।

२५ कात्तिक २०७८