प्रतिनिधि सभा सदस्य निर्वाचन, २०८२
दिन बाँकी
महत्त्वपूर्ण सूचना
वि.सं:
नेपाल संवत: ११४६ चिल्लाथ्व पारु - १
ग्याल्पो ल्होसार,२१५३ को शुभकामना
ग्याल्पो ल्होसार, २१५३ को पावन अवसरमा देश तथा विदेशमा रहनु भएका शेर्पा समुदायका दिदीबहिनी तथा दाजुभाइहरु सहित सम्पूर्ण नेपालीमा सुख, शान्ति, समृद्धि र सुस्वास्थ्यको लागि हार्दिक मंगलमय शुभकामना व्यक्त गर्दछु ।
नयाँ वर्षका रुपमा मनाईने यो पर्वले नयाँ आशा, उमङ्ग र उल्लास बोकेर समाजमा आपसी प्रेम, भाइचारा, सद्भाव र एकताको भावना अझ सबल बनाउन सहयोग पुग्ने विश्वास लिएको छु । यो पर्वले परिवार, मित्रता र समुदायबीचको सम्बन्धलाई थप घनिष्ठ बनाउँदै सहकार्य र समझदारीको वातावरण सृजना गर्दछ ।
परम्परागत पोशाक, मौलिक नृत्य, भजन–किर्तन र सांस्कृतिक कार्यक्रमले हाम्रो विविधतायुक्त समाजलाई जीवन्त राख्ने कार्य यस पर्वले गर्दै आएको छ । ग्याल्पो ल्होसार, शेर्पा समुदायको मात्र पर्व नभई सम्पूर्ण नेपालीको साझा सांस्कृतिक सम्पदा हो, जसले बहुभाषा र बहुसंस्कृतिलाई सम्मान गर्दै राष्ट्रिय एकतालाई सुदृढ बनाउन सहयोग पुग्दछ ।
यस अवसरमा गुम्बा दर्शन, धर्मगुरु र लामाबाट आशिर्वाद प्राप्त गर्ने परम्परा, विशेष परिकार खाप्से, डेशिल, गुथुक आदिको स्वाद लिनु र परिवारसँग मिलेर उल्लासपूर्वक समय बिताउनु नेपालीहरुको मौलिक पहिचान हो । यसले रैथाने संस्कृतिको जगेर्ना गर्दै कृषि उपजको महत्वलाई पनि उजागर गर्दछ ।
अन्त्यमा, स्याब्रु नृत्य, तुङ्गना (डम्याङ) को मधुर धुन र सामूहिक उल्लासले ग्याल्पो ल्होसारलाई अझ अर्थपूर्ण बनाओस् । धार्मिक श्रद्धा, सामाजिक सद्भाव, सांस्कृतिक गौरव र राष्ट्रिय एकताको प्रतीक बनेर यो पर्वले देशलाई प्रगति, शान्ति र समृद्धिको मार्गमा अघि बढाओस् भन्ने हार्दिक शुभकामना व्यक्त गर्दछु ।
धन्यवाद !
२०८२ फागुन ०६ गते बुधबार ।
ने.सं. ११४६ चिल्लाथ्व, प्रतिपदा ।
